ബാലുശ്ശേരി

കോഴിക്കോട് ജില്ലയിലെ അത്തോളി, ബാലുശ്ശേരി, കായണ്ണ, കൂരാച്ചുണ്ട്, കോട്ടൂർ, നടുവണ്ണൂർ, പനങ്ങാട്, ഉള്ളിയേരി, ഉണ്ണികുളം എന്നീ ഗ്രാമപ്പഞ്ചായത്തുകൾ ഉൾപ്പെട്ടതാണ്‌ ബാലുശ്ശേരി നിയമസഭാ മണ്ഡലം. 1957ലെ ആദ്യ നിയമസഭാ തെരഞ്ഞെടുപ്പുമായി ബന്ധപ്പെട്ട് നിലവില്‍ വന്ന മണ്ഡലമാണ് ബാലുശ്ശേരി. 2021-ലെ വോട്ടർപട്ടിക പ്രകാരം ഏകദേശം 224239 ആണ് ആകെ വോട്ടർമാരുടെ എണ്ണം. സിപിഐഎമ്മിലെ സച്ചിന്‍ ദേവാണ് നിലവിലെ ജനപ്രതിനിധി. കോഴിക്കോട് ലോക്സഭ മണ്ഡലത്തിന് കീഴില്‍ വരുന്നു.