ദേവികുളം

ഇടുക്കി ജില്ലയിലെ ഇടമലക്കുടി, കാന്തല്ലൂർ, വട്ടവട, ബൈസൺവാലി, ചിന്നക്കനാൽ, ദേവികുളം, അടിമാലി, മാങ്കുളം, മറയൂർ, മൂന്നാർ, വെള്ളത്തൂവൽ, പള്ളിവാസൽ എന്നീ പഞ്ചായത്തുകൾ ഉൾപ്പെടുന്നതാണ് ദേവികുളം നിയമസഭാ മണ്ഡലം. 1957ലാണ് മണ്ഡലം നിലവിൽ വന്നത്. 2021ലെ വോട്ടർപട്ടിക പ്രകാരം 169309 ആണ് മണ്ഡലത്തിലെ വോട്ടർമാരുടെ എണ്ണം. സിപിഐഎമ്മിന്റെ എ രാജയാണ് നിലവിലെ അംഗം. ഇടുക്കി ലോക്‌സഭാ മണ്ഡലത്തിന്റെ ഭാഗമാണ് ദേവികുളം. പട്ടികജാതി സംവരണ മണ്ഡലമായ ദേവികുളത്ത് ക്രിസ്തുമത വിശ്വാസിയായ രാജ മത്സരിച്ച് ജയിച്ചത് ചോദ്യം ചെയ്ത് എതിർ സ്ഥാനാർത്ഥിയായി മത്സരിച്ച കോൺഗ്രസിന്റെ ഡി കുമാർ ഹൈക്കോടതിയെ സമീപിച്ചിരുന്നു. തെളിവുകളുടെ അടിസ്ഥാനത്തിൽ ഹൈക്കോടതി രാജയുടെ തെരഞ്ഞെടുപ്പ് റദ്ദാക്കി. എന്നാൽ കഴിഞ്ഞ വർഷം മെയ് മാസത്തിൽ എ രാജയ്ക്ക് എംഎൽഎയായി തുടരാമെന്ന് സുപ്രീം കോടതി വിധി പുറപ്പെടുവിച്ചു.