കൊടുവള്ളി

കോഴിക്കോട് ജില്ലയിലെ കൊടുവള്ളി താലൂക്കിലെ കൊടുവള്ളി നഗരസഭയും കിഴക്കോത്ത്, മടവൂർ, നരിക്കുനി, ഓമശ്ശേരി, താമരശ്ശേരി, കട്ടിപ്പാറ എന്നീ ഗ്രാമപഞ്ചായത്തുകളും ഉൾപ്പെടുന്നതാണ് കൊടുവള്ളി നിയമസഭ മണ്ഡലം. 1957ല്‍ രൂപീകൃതമായ കൊടുവള്ളി മണ്ഡലം 1965 ലെ തെരഞ്ഞെടുപ്പിനോട് അനുബന്ധിച്ച് നടത്തിയ മണ്ഡല പുനർനിർണ്ണയത്തില്‍ ഇല്ലാതായെങ്കിലും 1977 മുതല്‍ വീണ്ടും നിലവില്‍ വന്നു. 2021-ലെ വോട്ടർപട്ടിക പ്രകാരം ഏകദേശം 183388 ആണ് ആകെ വോട്ടർമാരുടെ എണ്ണം. മുസ്ലിം ലീഗിലെ എം കെ മുനീറാണ് നിലവിലെ ജനപ്രതിനിധി. കോഴിക്കോട് ലോക്‌സഭാ മണ്ഡലത്തിലാണ് കൊടുവള്ളി നിയമസഭാ മണ്ഡലം ഉൾപ്പെടുന്നത്.