കുന്നത്തുനാട്

എറണാകുളം ജില്ലയിലെ ഐക്കരനാട്, കിഴക്കമ്പലം, കുന്നത്തുനാട്, മഴുവന്നൂ‍ർ, പൂതൃക്ക, തിരുവാണിയൂർ, വടവുകോട്-പുത്തൻകുരിശ്, വാഴക്കുളം എന്നീ ​​ഗ്രാമപഞ്ചായത്തുകൾ ചേരുന്നതാണ് കുന്നത്തുനാട് നിയമസഭാ മണ്ഡലം. 1965ലാണ് കുന്നത്തുനാട് മണ്ഡലം നിലവിൽ വന്നത്. 2021ലെ വോട്ടർപട്ടിക പ്രകാരം 187701 ആണ് മണ്ഡലത്തിലെ വോട്ടർമാരുടെ എണ്ണം. സിപിഐഎമ്മിൻ്റെ പി വി ശ്രീനിജനാണ് കുന്നത്തുനാട്ടിലെ സിറ്റിംഗ് എംഎൽഎ. ചാലക്കുടി ലോക്സഭാ മണ്ഡലത്തിൻ്റെ ഭാ​ഗമാണ് കുന്നത്തുനാട് നിയമസഭാ മണ്ഡലം.