മഞ്ചേശ്വരം

കാസര്‍കോട് ജില്ലയിലെ അഞ്ച് നിയമസഭാ മണ്ഡലങ്ങളിലൊന്നാണ് മഞ്ചേശ്വരം. മഞ്ചേശ്വരം, വോർക്കാടി, മീഞ്ച, മംഗല്‍പാടി, പൈവളികെ, കുമ്പള, പുത്തിഗെ, എന്‍മകജെ എന്നീ ഗ്രാമപഞ്ചായത്തുകളാണ് മഞ്ചേശ്വരം മണ്ഡലത്തില്‍ ഉള്‍പ്പെടുന്നത്. 1957ലെ ആദ്യ നിയമസഭാ തെരഞ്ഞെടുപ്പ് വേളയില്‍ തന്നെയാണ് മഞ്ചേശ്വരം മണ്ഡലം രൂപം കൊണ്ടത്. 2021ലെ വോട്ടര്‍പട്ടിക പ്രകാരം 221682 ആണ് മണ്ഡലത്തിലെ വോട്ടര്‍മാരുടെ എണ്ണം. മുസ്ലിം ലീഗ് നേതാവ് എ കെ എം അഷറഫ് ആണ് നിലവിലെ അംഗം. കാസര്‍ഗോഡ് ലോക്സഭാ മണ്ഡലത്തിന്റെ ഭാഗമാണ് മഞ്ചേശ്വരം നിയമസഭാമണ്ഡലം.