മട്ടന്നൂർ

കണ്ണൂർ ജില്ലയിലെ നിയമസഭാ മണ്ഡലങ്ങളിലൊന്നാണ് മട്ടന്നൂർ. മട്ടന്നൂർ നഗരസഭയും ചിറ്റാരിപ്പറമ്പ്, കീഴല്ലൂർ, കൂടാളി, മാലൂർ, മാങ്ങാട്ടിടം, കോളയാട്, പടിയൂർ-കല്യാട്, തില്ലങ്കേരി എന്നീ ഗ്രാമപഞ്ചായത്തുകളും ഉൾക്കൊള്ളുന്ന നിയമസഭാമണ്ഡലമാണ് മട്ടന്നൂർ. 1957ൽ മണ്ഡലം നിലവിൽ വന്നെങ്കിലും 1965ലെ മണ്ഡല പുനർനിർണയത്തിൽ ഇല്ലാതായി. പിന്നീട് 2008ലെ മണ്ഡല പുനർനിർണയത്തിലാണ് മണ്ഡലം വീണ്ടും തിരിച്ചുവന്നത്. 2021ലെ വോട്ടർപട്ടിക പ്രകാരം 189308 ആണ് മണ്ഡലത്തിലെ വോട്ടർമാരുടെ എണ്ണം. മുൻ മന്ത്രി കെ കെ ശൈലജയാണ് നിലവിലെ അംഗം. കണ്ണൂർ ലോക്‌സഭാ മണ്ഡലത്തിൻ്റെ ഭാഗമാണ് മട്ടന്നൂർ.