ഉദുമ

കാസര്‍കോട് ജില്ലയിലെ അഞ്ച് നിയമസഭാ മണ്ഡലങ്ങളിലൊന്നാണ് ഉദുമ. 1977ലാണ് മണ്ഡലം രൂപീകരിക്കപ്പെട്ടത്. കാസര്‍കോട് താലൂക്കില്‍ ഉള്‍പ്പെടുന്ന ചെമ്മനാട്, ദേലംപാടി, ബേഡഡുക്ക, മുളിയാര്‍, കുറ്റിക്കോല്‍ എന്നീ ഗ്രാമപഞ്ചായത്തുകളും ഹോസ്ദുര്‍ഗ് താലൂക്കിലെ പള്ളിക്കര, പുല്ലൂര്‍-പെരിയ, ഉദുമ എന്നീ പഞ്ചായത്തുകളും ഉള്‍പ്പെട്ടതാണ് ഉദുമ നിയമസഭാമണ്ഡലം. കാസര്‍കോട് ലോക്സഭാ മണ്ഡലത്തിന്റെ ഭാഗമാണ് ഉദുമ നിയമസഭാമണ്ഡലം. സിപിഐഎമ്മിന്റെ സി എച്ച് കുഞ്ഞമ്പുവാണ് നിലവിലെ അംഗം. 2021ലെ വോട്ടര്‍പട്ടിക പ്രകാരം 214209 ആണ് മണ്ഡലത്തിലെ വോട്ടര്‍മാരുടെ എണ്ണം.